Словакія єднако як і векшына европскых держав рихтує ся на Списованя населіня, домів і квартелів 2021. В тых днях собі вже мож спробовати, як буде вызерати списованя, і одповідати на вопросы в пілоті, котрый спустив Штатістічный уряд Словацькой републікы на своїй сторінці. Пілотне списованя має вісем языковых мутацій, конкретно словацьку, німецьку, анґліцьку, французьку, мадярьску, ромску, русиньску і україньску. Електронічный формуларь, котрый треба выповнити, має лем 13 ворпосів, што є в порівнаню з попередніма роками омного менше чісло, чім списованя стало скорым і комфортным. Помогло тому, же вшыткы остатні даны собі Штатістічный уряд знає здобыти за помочі односных урядів і їх датабаз. Списованя населіня, домів і квартелів 2021 буде на Словакії проходити од 15-го фебруара до 31-го марца 2021-го року. Даный пілот є доступный од 21-го до 28-го септембра. Даны здобыти в пілоті не будуть зарахуваны до перепису. (LEM.fm, Pkf)