Шпыталь Кромпахы недавно зреконштруовав просторы про дочасне ґінеколоґічно- породницьке оддїлїня а зарівно зачав з будованём цалком новой ґінеколоґії. З европского фонду реґіоналного розвитку в рамках Інтеґрованого реґіоналного операчного проґраму шпыталь здобыв на проєкт 3,71 міліона евр. Ставба бы мала быти подля діректора шпыталю Мірослава Крауса готова за 18 місяцїв. Цїлём проєкту є єднак вытворити дость місц, підвышыти ефектівность додаваня здравотной старостливости і знижити добу госпіталізації на акутныx постїлях. Ґінеколоґічно- породницьке і новороденецьке оддїлїня суть найвытяженїшыма оддїлїнями шпыталю. Влони ся там народило 795 дїтей, часто і з іншых реґіонів.

(Шутіова, TASR)