В Шпиталі в Свіднику зреконштруовали просторы про акутных пацієнтів. Модернізаціов перешло просторове і медиціньске заряджіня, котре значно скоротить час од приятя пацієнта на одділіню до встановленя діагнозы і початку лічіня. Як повів діректор шпиталя Penta Hospitals Svidník Марек Пітляк, шпиталь старать ся о спадову область з веце як 58 000 жытелями в реґіоні северовыходной Словакії. Споминану реконштрукцію реалізовали од септембра до децембра минулого року. Частьов одділіня  є інтерна, хірурґічна і неуропатологічна амбуланція, доповнена о ресусцітачну містьтность і експектачны ліжка. Свідницькый шпиталь быв вчлененый до стабілной сіті урґентного приятя першого тіпу в децембрі 2023-го року з діяням од 1-го януара 2024-го року. Комплексна реконштрукція просторів була фінансована з властных джерел і цілковый келчік підняв ся на скоро 350 000 евр. Додатково 50 000 евр планують інвестувати іщі до одбновы драгы, котра  веде до урґентного прийму. Фото: FC/Nemocnici Penta Hospitals Svidník (Pkf)