На безплатнім тестованю на притомность протилаток проти коронавірусу в рамках клінічной штудії Prevcoveast брало участь 9463 людей, котры дотеперь не были очкованы ани першов давков вакціны проти захворіню COVID-19. Протилаткы зістили приближно у четвертины з них. Тестовати будуть і в домовох соціалных служеб. На віторковій тисковій конференції о тім інформовали заступцёве Лїкарьской факулты Універзіты Павла Йосифа Шафарика і веджіня міста Кошіцї. ,,Асі 25 процент жытелїв Кошіц і близкой околіцї мало по выгодночіню тыма тестами протилаткы. З них асі 12 процент перекнало захворїня COVID-19 уж давнїше- в першій волнї. Остаток мав вытворены протилаткы по переконаню захворїня протягом другой волны пандемії,“ уточнила предностка уставу епідеміолоґії і продеканка ЛФ УПЙШ Моніка Галанова. Єдно проценто інтересуючіх мало протилаткы класы ІґМ, што значіло, же ся у них правдоподобно актуално находить захворїня COVID-19.

(TASR, Шутіова)