Цілково 29 припадів жовтячкы тіпу А (VHA) евідують ку днешньому дню у Великых Капушанах в окресі Михалівці. Зачатком авґуста было потведженых вісем припадів даного вірусового захворіня. Як інформувала реґіонална гіґієнічка Реґіоналного уряду верейного здравотницьтва в Михалівцях Янка Сташкова, же новы припады суть в сітуації дорослой популації спорадічно розметаны в місті. Місто на своїй інтернетовій сторинці актуалні інформує о зрушіню акції Lečofestival 2023. Реґіоналный уряд верейного здравотницьтва в Михалівцях з причіны звышеного розшыріня споминаного захворіня приказав місту заказ орґанізувати громадны акції, што місто в цілій мірї решпектує. (TASR, Pkf)