В Словацькім народнім музею – Музею русиньской културы в Пряшові вчера проходила інтересна стріча членів Выконного выбору Русиньской оброды на Словеньску на челі з председом Мартіном Карашом із представителями русиньскых орґанізацій з Хорватьскых міст Вуковар і Рієка – Владиміром Русином, Звонком Костелником, Владиміром Повчійом і Дубравков Рашляниновов. Основнов темов стрічі была взайомна інформація о русиньскім руху на Словакії і в Хорватії і о далшій меджінародній співпраці на полю културы і освіты. Як повіли нашы гості, в Хорватії жыє до два тісяч Русинів, котры орґанізують коло 300 културных подій до рока, мають штири русиньскы школы і выдавають русиньскый часопис Нова думка і дітьскый кварталник Вінчік.
(Петро Кімак-Фейко)