Фолклорнов процесіёв і пестрым проґрамом повным фолклорной музикы, танця і співу, котрый выверьхолить поулічным карневалом за спроваджаня капелы Funny Fellows, ожыє в понедїлёк центер Пряшова. Парк културы і оддыху (ПКО) в кооперації з містом приготовлює богатый проґрам Фашeнґовых славностей. Подїя ся зачне о 16.00 г на Главній уліцї. ПКО о тім інформує на своїй вебовій сторінцї. Як уводить, тот період є призначный фашенґовыма процесіями повныма народных традіцій, веселой музикы, танця, масок і смачного їдла. ,,Тот рік ся представить шість фолклорных ансамблїв з Пряшівского края, котры своїм танцём, співом і віншованём переведуть навщівників історічным центром Пряшова,“ приближыв ПКО.

(TASR, Шутіова)