В четверь представили у Выходословацькім музею в Кошіцях дві бронзовы прилбы стары коло 3200 років. Як на прессконференції повів археолоґ Выходословацького музею Даріус Ґашай, цїнны предметы ся до музея дістали кінцём минулого рока. Наслїдно на містї найджіня в катастрї села Торговіще в Михаловскім окресї провели археолоґічну сондаж. Подля ёго слов суть прилбы унікатны тым, же суть западоевропского походжіня. Дотеперь суть ід ним знамы лем три аналоґії а вшыткы з выходоалпской области. Такы прилбы ся не вывжывали в боях, але были скорїше сімволом моци высокой сполоченьской еліты. Выходословацькый музей пожадав о звірїня експонату до рук зряджователя музея, якым є Кошіцькый самосправный край. Експонаты бы так уж занедовго мали быти выставлены в просторах Выходословацького музея.
(TASR)
Фото: TASR