Выбор Світовой дїдовизны УНЕСКО на своїм 41 засїданю в Кракові схвалив узнесїня к недостаточній охранї словацькой части УНЕСКО локаліты „Карпатьскы буковы пралїсы і стары лїсы Нїмецька“. Главныма недостатками на котры Словакію упозорнює суть в першім шорї тяжба дрыв, полёваня а хыбаючій план старостливости. В приятім узнесїню ся уваджать, же „Выбор Світовой дїдовизны УНЕСКО з найвекшым знепокоїнём конштатує, же наперек опатрїням і добровольному обовязку дакотрых особ, же не будуть робити тяжобны актівіты, лем части словацькых компонентів той локаліты суть леґално хранены перед тяжбов. УНЕСКО повторно припоминать свою жадость вочі Словакії, жебы заістили же ся в рамках граніць той локаліты не будуть робити жадны тяжобны актівіты а дале жадать, жебы забеспечіла, же в рамках граніць той локаліты по приятю того плану там не буде можна жадна тяжба.
(Зденка Цітрякова)