В неділю 3-го септембра у віці 76 років одышов до вічности довгорочный русиньскый актівіста, етноґраф і културный діятель Ян Калиняк зо Свідника.  По новембрі зачатком 90-ых років стояв при закладаню Русиньской оброды, быв єй і підпредседом, довгы рокы вів єй Окресну орґанізацію у Свiднику. В Свіднику заложыв і орґанізовав Рождественну акцію Віфлеємскый вечур, стояв при орґанізованю Русиньского фестівалу і іншых културных подій в місті. Ян Калиняк є автором многых публікацій, выдав Дві віфлеємскы гры, Ярьны русиньскы співанкы, Віфлеємскый вечур, Памятный день Александра Духновіча, Юрко Цімбора і далшы. У 2020-ім році стигнув выдати першый том книгы Русиньскы народны співанкы, далшы чекають на выданя. Погріб Яна Калиняка буде 5-го септембра в свідницькім Домі смутку.

Вічная йому память. (АК)