Европскы театра ся знову споюють в єдній думці і в незвычайнім часі. Стане ся так в найближшу суботу, 16-го новембра, в рамках події Ніч театрів, котра пише уж свій 15-ай рочник. В тот день одкрыють свої браны аж пізно підвечур і публіці понукнуть кус нетрадічный погляд на театыр в ночі. Но споминаній події ся і тот раз залучіть Театыр Александра Духновіча з Пряшова із сатірічнов комедійов На ревізію, котра приближує жывот і роботу сельского старосту і одкрывать проблемы обычайных людей. Представліня є зо зачатком о 19-ій годині. Сама подія Ніч театрів є частьов европского проєкту Европска ніч театрів і мать презентовати театыр креатівным способом в нетрадічнім часі. Ініціатором проєкту є хорватьска  Театрална ніч і цілословацькым коордінатором є Театралный інштітут в Братіславі. (ПСК, Pkf)