Публіка  спознала найліпшы книжны тітулы Пряшівского самосправного края (ПСК) за рік 2023.  Авторы найліпше оціненых книг ці найулюбленішых літерарных творів за минулый рік собі оцініня в змаганю Книга рока ПСК перевзяли в понедільок в Крайскій бібліотеці П. О. Гвіезодслава в Пряшові. Інформувала о тім говоркыня ПСК Даша Єленьова. Оцінены тітулы взышли з цілкового чісла книг 59. Чітателі собі своїх книжных фаворітів выбрали уж традічно і в інтернетовім голосуваню о Ціну публікы. Тот річник реґіоналной чітательской анкеты приніс оцініня тыж в катеґорії Україньска і русиньска література. Перше місце было призначене русиньскій збірці асоціятівной поезії повной глубокых образів Синьов країнов. В онлайн голосуваню, котре проходило од 1-го юна до 31-го авґуста, наприклад в катеґорії Научна література  здобыла Ціну публікы публікація ‟Маяк православія. 100 років ід взнику ладомирьского монастыря як продовжувателя православного монашества на Словакії (1923-2023). В популярно-научній літературі публіка найвеце голосів дала книзці Історія заникнутого села  і рекреачной області Валков од року 1945 до сучасности. Орґанізатором змаганя Книга рока ПСК є Пряшівскый самосправный край і вісем бібліотек в єй зрядьовательскій компетенції. Фото: ПСК (TASR, Pkf)