Татраньскый ледовый дом є по ледовых ставбах іншпірованых архітектуров з рїзных кутів світа тот рік присвяченый навщіві кралёвной Єлизаветы ІІ. у Высокых Татрах. Купола на Гребєнку скрывать ледову ставбу з мотівом храму Вестмінстер Ебі з Лондона. У четверь го представили новинарїм. Навщівници сі го будуть мочі попозерати од днесь (17.11.). ,,Кралёвна Єлизавета II. мала шпеціалне одношіня ку Высокым Татрам а Вестмінстерске опатство мать шпеціалне одношіня з кралёвсков родинов. Нїґда єм сі не думав, же буду мати можность відїти Вестмінстер Ебі з леду. Будеме ту доісна відїти велё брітаньскых турістів а єднак вірю, же і велё Словаків іншпірує ку навщіві Великой Брітанії“ повів амбасадор Споєного кралёвства Великой Брітанії і Северного Ірьска Ніґел Бейкер.

(TASR, Шутіова)