Стара Любовня зачала з дістрібуційов респіраторів
00
Місто Стара Любовня зачало од днешнього дня з дістрібуційов респіраторів про жытелів над 60 років. Інформовав о тім на соціалній сіті пріматор міста Любомір Томко з тым, же довєдна їх дістане 3211 людей. Припомянув, же од днешнього дня є в обходах і громаднім транспорті повинне носіня респіраторів. Од 15-го марца ся тота повинность розшырить на вшыткы інтерєры. Томко інформовав, же в припаді помочі місто забезпечіть потребный накуп про обывателів міста. О споминану поміч мож пожадати на телефоннім чіслі 052/43 15 251, або 052/4315253, a то в робочіх днях oд 8.00 дo 12.00 год. (TASR, Pkf)
-
Назад / Nazad Пряшівскый шпыталь мать обсаджены постелі з COVID-19 на 80 процент
-
Далше / Dalše Снина буде мати Сінь славы