Жебы могло місто Собранці наповнити пожадавку повинной передшколской дохадзкы, посланці містьского заступітельства на своїм остатнїм засіданю (13.2.) одобрили замір міста запоїти ся до актуалной вызвы міністерства внутрішнїх дїл. Як про ТАСР потвердив пріматор міста Павол Джуріна, нова матерска школа, пріорітно становлена про ромску комуніту, мать мати капаціту мінімално 60 а максімално 75 місц. ,Ку реалізації выставбы новой матерской школы приступуєме з доводу, же од року 2021 ся зачінать повинна предшколска дохадзка. На жаль, штат прияв леґіслатіву, але рїшіня цїлой той проблемы є на бедрах самосправы. То значіть, же є нашов повинностёв, жебы сьме забезпечіли просторы а выбавлїня про тых, котрых ся то буде дотуляти,“ повів Джуріна з тым, же на основі евіденції жытельства бы мало до процесу повинной предшколской выховы наступити 47 школярів з ромской комуніты.

(Шутіова, TASR)