Середня промыслова школа технічна в Бардеёві є і протягом лїтнїх вакацій отворена про вшыткых інтересуючіх о навчаня, а то в каждім віку. В єй лавках актуално седять сеніоры. І тот рік ту злїпшують свої інформачно-комунікачны зручности через штатный проєкт Діґіталны сеніоры а учать ся робити з технічным заряджінём. TASR о тім інформовала Даша Єленёва, говоркыня Пряшівского края, котрый є зряджователём школы. Як повіла, школа привітала десяткы ,,школярїв“ над 65 років. Школїня діґіталных зручностей ся і в тій середнїй школї одбывать раз до тыждня по добу пятёх тыжднів, причім єдно сиджіня тырвать три навчалны годины. Мать дви уровни а то про зачаточників і покрочілых а є задарьмо. ,,Сеніор здобуде по успішнім абсолвованю презенчных і і-леарнінґовых школїнь освідчіня а безодплатно діґіталне заряджіня в подобі таблету до особного властництва, а то про далшый розвиток надобытых діґіталных способностей,“ повіла Єленёва.

(TASR, Шутіова)