Про довготырваючі суха высыхають жытелїм сел в околіцї водной надыржі Домаша у Воронівскім окресї студнї. Як про TASR увів староста села Кваківцї Радован Капраль, питну воду мусять в цістернах доважати уж і до готелів і пензіонів в рекреачных областях. ,,Людём возиме воду в 1000-лїтровых надобах а спущаме ю до студней. Жадали сьме окресный уряд і о армаду а авто з цістернов, але штат таку надырж не мать, а так то суплуєме тыма надобами,” приближыв Капраль про TASR сітуацію з питнов водов. Доводом суть екстремны суха а высохнуты пріватны студнї. Село і рекреачна область Добра верейным водоводом не діспонують, проблем з высхнутыма студнями сужує приближно половину жытелїв Кваковець, рекреанты сі возять питну воду в бандасках. Подля Капраля было на Добрій протягом минулого вікенду 6 000 рекреантів, про недостаток ужытковой воды мусили водов засобовати і верейны тоалеты. ,,Уж ся не дать черпати ани з Домашы, бо клесла гладина,” додав.

(TASR, Шутіова)