Свідницькый шпиталь днесь робить на многых верзіях орґанізації урґентного прийму так, абы ся што найвеце скоротив час од приходу пацєнта по становліня діаґнозы і зачаток лічіня. До сіті урґентных приймів быв залученый з діяням од 1-го януара 2024-го року. Про пресаґентуру TASR то повів Томаш Краль, говорця Penta Hospitals SK, котра шпиталь у Свіднику превадзкує. Як дале додав діректор свидницького шпиталю Марек Питліак, же даным кроком было потверджено то, же шпиталь у Свіднику патрить на мапу акутных шпиталів і буде давати урґентну старостливість про пацєнтів з окресів Свідник, Стропків і Меджілабірці. Єдночасно, подля Питліака, є то стабілізачный елемент, котрый може пересвідчіти молодых лікарїв і абсолвентів, же шпиталь мать перспектіву давати здравотну старостливість і в акутных одборох. Позітівнов справов про вшыткых є  і то, же в половині януара бы мав быти даный до превадзкы новый компютеровый томоґраф (CT), котрый є потрібный при діаґностиці акутных пацєнтів. Цілкова інвестиція і зо ставебныма управами є у вышці скоро 600.000 евр. (TASR, Pkf)