Апелувати на дотримуваня условій в законі про доступность здравотницькой старостливости як єдных з основных крітерій в законі буде місто Свідник у звязку з опублікованов основнов костров новой сіті шпиталів з боку резорту здравотницьтва. Про пресаґентуру TASR то увела пріматорка Свідника Марцела Іванчова. “Свідницькый шпиталь є вчлененый до І. катеґорії, мать давати довгочасову старостливость, але єдночасно може давати додатковы проґрамы з ІІ. катеґорії – наприклад урґентну медиціну, брушну хірурґію, інтерну медиціну, неуролоґію, педіатрію і так далше,“ повіла Іванчова. Як продовжувала, зреалізували дотеперь многы крокы, абы поуказали на то, же шпиталь мать быти реґіоналным шпитальом ІІ. катеґорії.(TASR, Pkf)