Місто Свідник в попередніх днях продовжыло платность Меморандума о співпраці з польсков ґмінов Ярослав на далшых пять років. Інформовала о тім аґентура TASR. Подля пріматоркы Свідника Марцелы Іванчовой собі од співпраці обіцяють реалізацію далшых проєктів. Має надію, же то принесе довшу співпрацу. Свідник є наймолодшым партнером ґміны Ярослав. Окрім Свідника мають далшых із Україны, Німецька і самособов із Польщі. Івначова вірить, же ся місту і ґміні подарить зробити дакілько добрых проєктів довєдна. За словами пріматоркы вже має місто представу, што бы хотіло зробити в рамках проєктів з Ярославом. Наприклад реконштрукцію амфітеатру, котрый є в такім стані, же собі выжадує безодкладну оправу. Свідник в минулости быв успішный в рамках співпраці з Ярославом в проєкті третьой фазы ревіталізації центра міста в цілковій сумі 500 тісяч евр. З польскым партнером реалізовали і такзваны магкы проєкты, котры были заснованы на черяню културной, хрістіаньской або природной дідовизны.

(Медвідь, TASR)