Місто Свідник вытворило 50 ліжок нужды про біженців із Україны. Як про ТASR повіла пріматорка Свідника Марцела Іванчова, моментално евідують приблизно 200 людей, котры втекли перед войнов. Часть з них є уквартельована в інтернаті Середньой фаховой школы. На приказ предносты Окресного уряду як резултат засіданя крізового штабу зрядили і 50 ліжок нужды про припад акутной потребы уквартельовати людей. Заряджіня центра з меблями, включно малых ставебных робот, стояло місто приблизно 8000 евр. Приблизно 20 дітей з Україны є у свідницькых школах і матерьскых школах, што подля Іванчовой затля не запричінює жадны проблемы. Свідник уж зорґанізвав дві збіркы помочі, котры загнали до партнерьского Рахова.

(Медвідь, ТASR)