В просторах Єпархіалного уряду в понедільок одбыв ся день священиків Кошыцькой ґрекокатолицькой єпархії. Головным гостьом стрічі быв архієпіскоп Джорджо Деметріо Ґалларо, секретарь Конґреґації про восточны церькви в Римі, котрый быв на навщіві Словакії і Кошыцькой єпархії. Ґалларо священикам єпархії приговорив ся, заміряв ся на сінодалный процес, якый в тых місяцях проходить в Католицькій церькви. Кедьже є архієпікоп нелем секратарьом конґреґації, але і апостольскым адміністратором єпархії про Албанців на Сіцілії, поділив ся і о конкретны скушености з той містной церькви.

(Медвідь)