Місто Свидник здобыло од влады дотацію у вышкі 100.000 евр на выбудованя денного стаціонара про сенёрів. Влада так вырішыла в часі свого выяздового засіданя 17-го септембра в Ґіралтівцях. Радниця хоче стаціонар выбудовати в неужываных  просторах будинку, котрый даколи служыв єдній зо середніх школ. Як далей конкретізовала пріматорка міста Свидник Марцела Іванчова, „ставебны выдавкы в згоді з проєктовов документацёв суть у вышкі 165.000 евр. Суть то лем першы выдавкы. Суму 100.000 евр сьме здобыли од влады, решту собі будеме мусіти гледати з ехтерных джерел або дофінанцувати з властных джерел.“ Радниця притім рахує, же цалковы выдавкы вєдно заряджіня стаціонара будуть у вышкі 200.000 аж 220.000 евр.  (TASR, Pkf)