Самосправа у Вранові над Топльов планує зреалізовати третю етапу урбаністічно-архітектонічной управы центра міста. Одгадованы втраты суть коло 950 тісяч евр. Фінанованя ставбы буде забезпечене формов пожычкы. Минулый тыждень на засіданю о тім вырішыли містьскы депутаты. У Вранові хотять за пожычены грошы зробити драгы, пішникы і біціґльовы стежкы. Головныма елементами третьой етапы будуть памятник СНП і сімболічна назнакова реконштрукція обрису днесь вже неіснуючого храму святого Штефана в парку коло памятника. Іде о найстаршый храм збудованый на теріторії міста, в котрім ся в минулости оддавала Алжбета Баторійова за Франтішка Надашія. Частьов реконштрукцій будуть і архітектонічны елементы, котры дотворять намістя з погляду фукнціонованя, композічно-естетічного діяня і орьєнтачного значіня.
(Петро Медвідь)