Найвекшов інвестичнов акційов міста Сабінов в тім року буде обнова середньовікого містьского опевніня вєдно сім башт за скоро 850.000 евр. Фінанції на їх обнову місто здобыло з Европского фонду реґіоналного розвоя в рамках черезгранічного польско-словеньского проєкту з польскым містом Мусзіна. Проєкт бы мав за словами пріматора міста Сабінов Міхала Репанского быти зреалізуваный до 2021-го року. Дальшыма проєктами, котры хоче радниця зреалізувати в тім року, є ревіталізація внутросідліскового простору на улиці Коменского і ревіталізація загороды при еванґелскім храмі. На реалізацію даных проєктів є выділено 80.000 евр  з реґіоналного вкладу. На реконштрукцію футбаловой трібуны і шатні місто здобыло в рамках выяздового їднаня влады 130.000 евр і 40.000 евр з Вызвы про реґіон од Пряшівского самосправного краю. (TASR, Pkf)