Місто Стропків планує в найближшых штирьох років з многыма інвестичныма проєктами. Найвызнамнішов тогорічнов інвестиційов фінанцованов з еврофондів буде засловами говорцю радниці Петра Новака проєкт понижуваня енерґетічной нарочности будинку містьского уряду в цілковій сумі 750.000 евр. В рамках проєкту буде затеплена стара і нова часть уряду, заізолувана стріха, вычеряны окна і технолоґія котолні. Актуалні ся реалізує проєкт модернізації одборных класів в Основній школі на Конштантиновій улиці в сумі за скоро 187.000 евр з еврофондів. Згодні зо штруктуралных фондів буде ся ліквідувати і чорна складка при  ромскых быванях в сумі 52.000 евр. З дотації міністерства школства буде затеплена містьска шпортова гала в сумі 115.000 евр.