У віторок 1-го апріля двоми членове Рады влады Словацькой републікы про народностны меншыны, єдночасно членове презідії Округлого стола Русинів Словакії – Петро Медвідь і Мілан Ян Піліп, стрітили ся з Комітетом експертів Европской харты реґіоналных або меншыновых языків. Стріча одбыла ся в просторах Словацького народного музея – Музея русиньской културы в Пряшові. Комітет експертів в реґуларных інтервалах моніторує, конзултує з представителями меншыновых языків імплементацію той харты. Стріча одбыла ся на основі того, же Рада Европы дістала в минувшім році Шесту справу о імплементації Европской харты реґіоналных або меншыновых языків в Словацькій републіці. Меджі важны темы, о котры експерты Рады Европы інтересовали ся, належало русиньске школство, аплікація двоязычности в уряднім контакті, підпора културы і языка з боку державы

(Медвідь)