Вчера в просторах Словацького народного музея – Музея русиньской културы в Пряшові ся одбыло засіданя Русиньской оброды на Словенску. Тото засіданя было інакше од передніх нелем  тым, же было перше в року 2018, але і тым, же на єй першій часті были притомны і промінентны представителі выбору крайового товариства подкарпатскых русинів з Мукачева. Председа Русинской оброды на Словенску повів, же: “головнов темов даной стрічі было 100 років од заложіня першой Ческословенской републикы. Як добрі знаме, помімо Чехів і Словаків, были і дальшы народы, а окрім іншого і Русины стояли при взнику Ческословенской републикы, котрой сучастьов была і Подкарпатска рус, также зато была тота стріча, жебы сьме приготовили такы головны події, котры будуть присвячены праві тому юбілею“.
(Петро Кімак-Фейко)