У Гуменнім, але і іншых містах выходной Словакії комунітны центры, сполкы і здружіня в передрождественнім часї приправлюють про людей в тяжкій жывотній сітуації а главно людей без домова теплу капустніцю. В Гуменнім ід тому придали і рождественны баликы. Теріторіалный сполок Словацького червеного крижа в Гуменнім реалізовав в сполупраці з обчаньскым здружінём Подай руку і римокатоліцьков Фаров святых Кошіцькых мучеників в Гуменнім уже семый річник той акції. В каждім балику буде подля слов директоркы ТС Словацького червеного крижа в Гуменнім Сілвії Кнапіковой приправлена імітація вечеры, то значіть даяка рыбяча конзерва, мнясова конзерва, облаткы, печіво і сладкости. Роздавати людём будуть тоже декы, чапкы і рукавіцї, котры мають з выголошеной збіркы. Пририхтованых мали веце як 100 баликів, котры роздадуть меджі бездомовців не лем в Гуменнім, але і людём в тяжкій сітуації в навколишнїх селах.
(TASR, Цітрякова)
Фото: TASR