Скоро о пів рока ся продовжать роботы на будованю новой крайской бібліотекы на Словацькій улиці в Пряшові. Згодно ся передорожыть ставба проти оріґіналному плану о 500.000 евр скоро на 6,3 міліона евр. Іде о три міщаньскы домы, адміністратівну будову і ґаражы під земльов. Наслідні будуть три філіалкы бібліотекы і архів перестягуваны до єдного комплексу. Причінов продовжіня будованя суть рештавраторьскы роботы і найджены предметы. Подля председы Пряшівського самосправного края (ПСК) Мілана Маєрьского роботы будуть намість 18 місяців тырвати 24 місяців. Будованя буде дорожше скоро о 500.000 евр. ПСК фінанцує ставбу новой крайской бібліотекы з джерел уверу з Европской інвестичной банкы у вышці скоро 2,5 міліона евр. Решту творять властны джерела ПСК. Крайска бібліотека мать скоро 7500 чітетелїв. (TASR, Pkf)