Буде то першый річник културного фестівала Европа під градом. Проґрам ся зачне о 11-тій годинї в Спішскім Подрадю на Маряньскім намістю. Навщівників чекають проєкції і театралны пєсы. Частёв фестівалу буде і ремеселный рынок. З думков зорґанізованя фестівалу пришли добровольницї котры помагають в комунітных центрах непрофітовой орґанізації Чоловік в огрожіню. На фестівалї ся представить 28 добровольників з дакілько европскых міст, жебы людём приближыли свою културу, їдло і звыкы і принесли на Спіш дакус Европы.
(Зденка Цітрякова)