В польско-словацькім пригранічу вдяка проґраму Interreg Польща – Словакія зреалізує ся 16 новых малых проєктів за веце як міліон евр, з того 500 тісяч піде на теріторію Пряшівского самосправного краю. Принесуть будованя черегранічного партнерства і посилніня індентіты людей, котры жыють в пригранічных обласятх. Жадателі і партнеры проєктів потвердили вступ до актівностей святочным підписом проєктів у понедільок 7-го октобра в Пряшові. Схвалены проєкты буде реалізовати пять польскых а десять словацькых інштітуцій. 16 малых проєктів схвалив іщі 16-го юла Выбор про малы проєкты зрядженый Пряшівскым самосправным крайом, котрый є справцьом Фонду малых проєктів. Проєкты были схвалены в рамках першой вызвы в пріоріті, яка дотулять ся співпраці меджі інштітуціями і жытелями приграніча.

(Медвідь, PSK)