Путь героїв Словацького народного повстаня рочнї абсолвує множество людей. Іде о найвызначнїшу маґістралу на Словакії. Є довга приближно 770 кілометрів а звладнути ся дать за 25 аж 28 днїв. Дакотры ю зачінають на Девінї, другы на Дуклї. Подля історіка Воєньского історічного інштітуту Братїслава Петра Голіка, тоты, котры ю зачінають на Дуклї, першый день туры одбудуть обычайно в ареалї дукляньского боїска. Леґендарным місцём про тых, котры ся выдали на Путь героїв СНП, є летадло Lisunov Li-2. Находить ся коло первісной головной пути у Вышнім Комарнику, по котрій веде траса. Як повів Голік, ставать ся , же дакотры люде суть на Дуклї першый раз. Обчаньске здружіня CestaSNP.sk мать вебову сторінку з єднаков назвов, де ся можуть інтересуючі зареґістровати а прыспіти до датабазы вызнач ных місць, коментовати лайв слїдованя, глядати людей до партії а вытворити сі лайв слїдованя. На вебовій сторінцї мож слїдовати актуалну кількость людей на трасї.

(TASR, Шутіова)