В рамках свойой пути по історічно вызначных місцях ґрекокатолицькой русиньской церькви в Европі навщівили 24-го септембра вірници Пармской єпархії зо Споєных штатів Катедралный собор Рождества Пресвятой Богородіці в Кошыцях. Путници із своїм владыком Міланом (Лахом) і владыком Міланом (Хаутуром), кошыцькым єпархом, помолили ся Молебен ку Пресвятій Богородіці. На кінцю кошыцькый єпарха подаровав копію Клокочівской Богородіці Пармскій єпархії і передав єй пармскому єпархови. Ікона буде у Церькви Святой Марії в парохії Марблгед в штаті Огайо, і буде знаком єдности русиньской ґрекокатолицькой церькви на обидвох контінентах, інформовав Пресовый центер Кошыцькой єпархії.
(TSKE, Mедвідь)