Публіка може запропонувати памятку міста Пряшів на запис до евіденції памяток. Про тот рік є темов 110-выроча од зачатя першой світовой войны. Пресаґентуру TASR о тім інформувала пресова референтка Містьского уряду в Пряшові Ленка Шітарова. Як приближыла, пропозиції мож предкладати в трьох катеґоріях. Першов суть гнуты і негнуты памяткы, конкретні обєкты містьтного значіня, котры мають історічну, сполоченьску, країнну, урбаністічну, архітектонічну, наукову, технічну, вытварну ці умелецько-ремеселну цінность і не суть евідованы як културны памяткы в Централнім списку памяткового фонду СР. Дальшов катеґорійов  суть комбінованы вытворы природы і чоловіка і негнуты памяткы суть третьов катеґорійов. Поступ пропозиції на запис до евіденції памяток є опублікованый на інтернетовім сайті міста Пряшів. Є мож їх загнати до 30-го апріля поштов або мейлом. Місто Пряшів веде свою евіденцію памяток од року 2009 і днесь є в нім записаных цілком 60 памяток. (TASR, Pkf)