Малопольске воєводство і Пряшівскый самосправный край (ПСК) капчать довгорічна співпраца в різных областях. Далше прямованя той співпраці приближыла недавна стріча партнерьскых реґіонів у Кракові. Як інформовала Даша Єленьова, говоркыня ПСК, обидві стороны єй видять головно у сфері транспорту, путницького турізма і в біціґльовім транспорті. В пятніцю 8-го новембра 2024-го року вєдно одкрыли і далшы можливости співпраці, од выставы творів Енді Варгола в Кракові і реалізацію сполочных вытварных пленерів, через путницькый турізм аж по обнову Україны. „Пряшівскый самосправный край видить Малопольске воєводство як силного, сполягливого і стабілного партнера, і нашы взаємны односины роками іщі веце проглублюють ся,“ повів пряшівскый жупан Мілан Маєрьскый по стрічі. Припомямнув, же польскый партнер поміг ПСК і минувшого року по землетрясіню сумов 222 тісяч евр на одстороніня шкод. Джерело фотоґрафії: Facebook/ЛЕМ.ФМ (ЛЕМ.ФМ, Пкф)