Пряшівскый самосправный край уж мать план утримательной мобіліты (PUM). Як пресову аґентуру TASR о тім інформувала Леа Геілова з одділіня комунікації і пропаґації Уряду ПСК, документ обсягує конкретны пропозиції зліпшованя доправы в цілім краю. На децембровім засіданю го одобрили крайскы посланці. Матерял зліпшує перегляд о доправній сітуації в краю, понукать аналізу проблемовых, найслабшых і стратеґічных місць в доправі. На основі аналізы існуючого ставу і трендів  розвоя дефінує потребы края в області доправной інфраштруктуры на період дальшых 30 років. (TASR, Pkf)