Пряшівскый самосправный край (ПСК) ся став частьов мерджінародного проєкту заміряного на предповіданя і превенцію блесковых залив. Мав бы принести пропозицію інтеґрованого рішеня на предповіданя і превенцію повторюючіх ся залив. Іде о проєктовый замір, котрый ся реалізує на Словакії і в европскых країнах, причім його елокація про ПСК є у вышці веце як 346.000 евр. Пресаґентуру TASR о тім інформувала говоркыня края Даша Єленьова. Даным проєктом (LIFE22-CCA-SK-FLOPRES), котрого скорочена назва є Flopres, край хоче помочі різіковым областям і їх жытелям, котры суть выставлены приваловым заливам. Реалізує ся в рамках ґрантового проґраму LIFE, котрый є інштрументом Европской унії на фінанцованя опатрінь в области жывотного оточіня і клімы. (TASR, Pkf)