Літню турістичну сезону в Пряшівскім самосправнім краю (ПСК) підпорують і в тім року вынятковы сезонны влакы. Міністерство доправы і выставбы СР в сполупраці зо Желізнічнов сполочностьов Словеньско, як і высшыма теріторіялныма цілками і крайскыма орґанізаціями турістичного руху выправує 43 влаків на 10 лінках до выбраных турістичных локаліт  шреґом Словакійов. Як пресаґентуру TASR інформувала Барбора Чехова з Крайской орґанізації турістичного руху Северовыход Словеньска, в Пряшівскім краю суть найвекшыма ваблінями влаковы лінкы на трасі Кошыці – Пряшів – Плавеч – Стара Любовня, лінка спрямована до Полонин на трасі Пряшів – Стакчін і тогорічна новинка Кошыці – Пряшів – Бардійов. В Бардійові чекать путуючіх турістична спроваджаюча в ціні листка. Приправлены суть подля Чеховой тыж споїня, котры путуючіх літніма влаками дошыкують назад. Спої фунґують од 11-го юна до 11-го септембра 2022-го року.  (TASR, Pkf)