Ґрантовый проґрам Пряшівського самосправного края (ПСК) Вызва про реґіон уможнив реалізацію далшых проєктів заміряных на обнову обєктів памятковой цінности. Край найновше поміг к захрані народных културных памяток в Шамброні, Осаднім, Брезовічкі ці Камюнкі. На проєкты дав дотацію у вышці веце як 88-тісяч евр. В рамках даных проєктів заміряли ся на санацію і оправу турні памятковых обєктів, їх інтерєру і околиці. ПСК на проєктовы заміры дав дотацію з Вызвы про реґіон – з проґраму заміряному на Підпору обновы културных памяток UNESCO і народных културных памяток. Завдякы споминаной помочі в Шамброні перейшла реконштрукціов Народна културна памятка – храм, в Осаднім културна памятка – кріпта вояків з І. світовой войны, в Брезовічкі народна културна памятка присвячена св. Мартінові з Тоурс, котра походить з 13-го століття а в селі Камюнка оправили фасаду културной домінанты села збудованой в року 1799. Крайска самосправа в тім року через споминану вызву підпорила 23 проєктів в цілковій сумі скоро 940-тісяч евр. (TASR, Pkf)