Пряшівскый самосправный край (ПСК) вчера оцінив вызначны особности  і колектівы реґіону. Ціну ПСК і Ціну предсеру ПСК за 2019-ый рік на великій сцені театру Йонаша Заборского перевзяли семеро лавреаты,  Мілан Маєрскый приділив і єдно выняткове оцініня, Медайлу председу ПСК. Інформувала о тім говоркыня ПСК Даша Єленьова. Найвышше крайске оцініня призначіла самосправа особностям і інштитуціям, котры вызнамнов міров мають заслугы в області розвоя реґіону і презентації края дома і в заграничі уж по шістьнадцятый раз. Меджі оціненыма цінов ПСК є  співачка Маріка Ґомбітова, зраково постигнута параолімпічка Генрєта Фаркашова і єй спроваджаюча Наталія Шубртова і Госпіц Маткы Терезы в Бардійовскій Новій Всі. Председа ПСК Маєрскый приділив свою ціну академічному малярьові Славомірові Брезінові, священикові Васільові Корманікові і різбарові Міланові Крайнякові.  Выняткове оцініня, Медайлу председу ПСК здобыв і Крайскый діректоріят Гасічского і захранного корпусу в Пряшові за професіоналну роботу, насаджіня і одвагу при рятованю обывателів панелового дому на Мукачевскій улиці в часі кризовой сітуації 6-го децембра. (TASR, Pkf)