Пряшівскый самосправный край од четверга до неділі 28-го новембра буде очковати на 35-ох місцях в цілім краю. Інформовала о тім говоркыня края Даша Єленьова. Край уможнить очкованя знова в трьох обходных центрах, але з меншов змінов. Конкретні в Пряшові, Попраді а найновше і в Бардейові. Oчкованя на Штефаниковій уліці в Гуменнім ся з капацітных причін пересунуло днесь до просторів крайского вакціначного центра Обходной академії. До списку накупных домів прибыв обходный центер на Млиньскій уліці в Бардейові, де ся очкує днесь і завтра. В Попраді ся буде очковати в суботу і неділю. отворены будуть і великокапацітны центры. В Середній одборній школі технічній на Волґоґрадьскій уліці в Пряшові будуть очковати до 16-ой годины першов, другов і третьов давков вакціны Пфайзер. Од 16-ой до 18-ой будуть очковати єднодавковым Janssenom. В суботу буде вакцінація в містьскім културнім центрі нa уліці Новый рядок в Стропкові. У Вранові буде очкованя в суботу і в неділю в містьскій шпортовій галі на Дакснеровій уліці. В суботу зреалізують очкованя у Высокых Татрах – в денных центрах в Татраньскій котлині і Татраньскій Ломніці, у Вілі Флора в Старім Смоковці і в Основній школі Вышні Гаґы. (TASR, Pkf)