Посланці Пряшівского самосправного края днесь вырішують о зрушеню трьох середніх школ і  їх далшім ході в  окресaх Гуменне і Вранов над Топльов з реалізаційов ку 31-му авґусту 2021-го рока. З тым не суть згодны ани директоры школ, ани пріматоры обох окресных самосправ. Край арґументує демоґрафічным розвойом в обидвох окресах і коордінаціов якости освіты з потребами на торгу праці. Покы Споєна школа в Чаклові Врановского окресу ся мать од 1-го септембра 2021-го стати елокованым місцьом Середньой одборной школы А. Дубчека в окреснім місті, з гуменьской Обходной академії і Готеловой академії мать ку тому самому датуму взникнути споєна школа з резіденціов в будові Обходной академії. (TASR, Pkf)