Пряшівськый самосправный край (ПСК) приправив про ціклістів новинку – транспорт біціґлів посередництвом ціклобусів. Ходити будуть в пятьох турістичных атрактівных локалітах Пряшівського реґіону, як суть Сланскы верьхы, Черґов, Пєніны, Домаша ці Полоніны. Пять ціклобусів зачнуть фунґовати од 1-го юла з превадзков в часі вікендів. Жупа хоче новов кампанійов підпорити ціклотурізмус на своїй теріторії. Споминаны автобусы будуть діспонувати ціклоносичмі про шість біціґлів. Транспортують їх так цілково аж 30, дальшы капаціты мож розшырити через дальшы просторы в  автобусох. Ціклобусы будуть в превадзкі на трасах Пряшів – Злата Баня, Сабінов – Дріеніца, Стара Любовня – Червеный Клаштор, Вранов над Топльов – Домаша, Добра рекреачна область і Снина – Новоселиця. До службы край заінвестовав цілково 25 тісяч евр, конкретні до каждого з пятьох носичів по 5-тісяч евр. (TASR, Pkf)