Міліон евр выділили посланці Заступительства Пряшівского самосправного краю на поміч селам і містам на северовыході Словакії, котры засягли зливы почас вікенду з 23-го на 24-го юна. Фінанції были схвалены на засіданю крайского парламенту в понедільок 26-го юна змінов розрахунку краю, і суть призначены на роботы потрібны на оправу, санацію драг і мостів по зливах. Як повів ведучій Одділіня фінанцій Уряду Пряшівского самосправного краю (ПСК) Петер Макара, фінанції підуть про Справу і утримованя драг ПСК, бо тота компанія є справцьом драг і мостів в краю. Сума міліон евр притім выходить з одгадів, котры зробили фаховці в терені уж почас вікенду. Зливы з пятніці 23-го на суботу 24-го юна засягли веце сел в окресах Свідник, Бардейов і Воронів над Топльов, але і міста Свідник а Бардейов. Великы шкоды были наприклад і в русиньскім селі Біловежа.

(Медвідь, TASR)