Пряшівскый самосправный край, котрый є найвекшый на Словакії, буде мати в нововыбратім парламенті довєдна лем 19 депутатів. Найвеце депутатів має Smer-SD і KDH, за котрых з ПСК іде до парламенту по штирьох зволеных кандідатів. Hlas-SD буде мати з Пряшівского края трьох депутатів, єднако як і коаліція OĽaNО a priatelia. Двох депутатів з найвекшого краю на Словакії будуть мати і лібералы з SaS. На кандідачнім списку SNS дістали ся до парламенту двоми кандітаты з ПСК, но тоты не суть членами SNS, а суть представителями партії Život – národná strana, котра мала своїх кандідатів на списку словацькых націоналістів.

(Медвідь)