Пряшівскый самосправный край в часі вікенду 4-го і 5-го децембра сприступнить людям вакціну проти захворіню COVID-19 в Свіднику і в Світі. Отворить три свої великокапацітны центры на вакцінацію єднодавковым Janssenom. Пресаґентуру TASR о тім інформовала говоркыня края Даша Єленьова. Як повіла, в терені є і мобілна ґрупа, котра очкує на 18 різных місцях. Край коордінує очкованя і в пятьох інштітуціях соціалных служеб. Тот тыждень край  уможнить очкованя єднодавковым Janssenom, очкованя і переочкованя вакцінов Pfizer/BioNTech у восьмох містах, 16 селах і пятьох інштітуціях соціалных служеб. (TASR, Pkf)