Місто Пряшів хоче забезпечіти дальше фунґованя експозиції  judaík в Пряшові і то у властній режії. Дотеперь ю в місті забезпечувало Словацьке народне музеум – Музеум жыдовской културы в Братіславі. Од 1-го децембра 2024-го року є але експозиція заперта. Як увело на соціалній сіті споминане музеум, же є то з персоналных прічін і з прічіны корочіня ро зрахунку музея.  Подля пріматора Пряшова Франтішка Ольгу пряшівске жыдовске музеум патрить меджі найстаршы на Словакії, было засноване в 1928-го року і властнить єдну з найціннішых збірок в централній Европі. Як дале увів, інтерес міста о музеум є значны. Покы мають зроблену правну аналізу на заложіня музейной орґанізації. Предпокладають, же цілковый келчік на ход пряшівского жыдовского музея буде глубоко під 10.000 евр рочні. Подля послідніх інформацій дочасно заперта експозиція judaík в Пряшові буде знову отворена про публіку зачатком рока 2025. (TASR, Pkf)