Місто Пряшів каждый рік орґанізує рождественну вечерю про сеніорів, котры жыють самы. Верейность може дати радніцї знати, кедь такого чоловіка у своїй околіцї познать. TASR о тім інформовала тискова референтка Містьского уряду в Пряшові Ленка Шітарова. Місто подля єй слов про сеніорів приготовило довоз вечерї аж домів. ,,В припадї, же мають сеніоры інтерес о рождественну вечерю, треба до 16. децембра 2024 навщівити Містьскый уряд в Пряшові, Одбор соціалных служеб на Ярковій уліцї а перевзяти сі листок,“ повіла Шітарова. Кедь мають сеніоры здравотны проблемы а не можуть сі по листок прийти особнї, суть ку діспозіції телефонны чісла на котры можуть закликати. Точнішы інформації суть опублікованы на вебовій сторінцї міста. Радніця просить людей, котры знають сеніорів, котры жыють самы, жебы їх інформовали о такей можности або на них місту написали контакт.

(TASR, Шутіова)