Проєкты напрямены на понижованя спотребы енерґії, оптімалізацію ходовых накладів а в непослїднім шорї охрану жывотного окружіня реалізує місто Пряшів в кооперації з Розвитковов імплементачнов аґентуров міста Пряшів. Як TASR інформовав говорця міста Михал Гудак, тота інвестіція є двойнасобнов- преявить ся в комфортї містьскых основных і матерьскых школ а зарівно підвышыть енерґетічну ушпору. ,,Тоты превентівны крокы загорняють модернізацію світел, выміну облаків а іншталацію ефектівных технолоґій, котры прыспіють ку выразному понижаню енерґетічной нарочности школьскых обєктів. Окрем технічных управ ся проєкт напрямує і на підвышованя енвіронменталной свідомости педаґоґів і школярїв, котры суть мотівованы ку зодповідному приступу ку спотребі енерґії,“ приближыв Гудак.

(TASR, Шутіова)